card

header

Захирлын мэндчилгээ

Сайн байцгаана уу? Эрхэм хүндэт багш, сурган хүмүүжүүлэгчид, ажилчид, нийт төгсөгчид, сурагчид, бяцхан шавь нар, эцэг эхчүүд ээ. Эрдэм номын цагаан буян нь арвижиж, энхрий бяцхан үрсийн маань инээд хөөрөөр цалгисан эрдэмтэн олон багш нар, ажилч хичээнгүй ажилчдын минь итгэл найдвараар эрчилсэн эрдэнэт сургуулийнхаа хоймор өргөөнөөс 2020-2021 оны шинэ хичээлийн жилийн нээлтийн халуун мэндчилгээг өргөн дэвшүүлье.

Энэ хичээлийн жилд бид бүхэн хүүхдийн сурах үйлийг дэмжиж сурлагын хоцрогдолгүй сургахад бүх талын оролцоо, хамтын ажиллагааг өргөжүүлж тэдний хөгжил төлөвшил, сурлагын амжилт, чанарт ахиц гаргах, багш мэргэжлээрээ тасралтгүй хөгжих боломжийг бүрдүүлэх зорилго дэвшүүлж байна.

Хэдийгээр онцгой нөхцөл байдалд ч гэлээ сонор сэрэмжээ алдахгүй эрүүл ахуйн дэглэмээ нарийн чанд баримталж хувь хүний дархлаагаа дэмжин сэтгэл санааны хувьд уужуу тайван байж хичээл номондоо уйгагүй шамдан суралцаж идэвхи санаачлагатай бүтээлчээр ажиллахыг нийт сурагчид, ажилчин албан хаагчид багш нараасаа хүсэж байна.

21-р зууныг цогцлоох 21 дүгээр сургуулийн хамт олноо төлөөлж Мэргэн номын цацал өргөн гэгээн сайхныг бэлгэдэн ерөөж дөнгөж анх удаа 1-р ангид элсэж байгаа бяцхан шавь нараасаа ая эгшиг ардын бүжгийн бялхам сайханд сурах гэж буйг хараарай.

Та бүхнийг номын цагаан буян үргэлж ивээх болтугай.

                                                                                                        ЗАХИРАЛ: Г.ОЮУНЧИМЭГ

 

Манай хамт олон

Төрөлх сургууль маань БНМАУ-ын Сайд нарын Зөвлөлийн 1956 оны 10 дугаар сарын 20-ны өдрийн 535-р тогтоолоор Санхүүгийн  техникумын хуучин байрны хоёр давхар байшинг ашиглан “Бүрэн бус 21 дүгээр дунд сургууль” нэртэйгээр бага ангийн 8, дунд ангийн 8, бүгд 16 бүлэгтэй 595 сурагчид, 17 багш, 8 ажилтантай анх байгуулагдаж байжээ.

Хүсэлт илгээх